हुने खनेको छोरा हु 

हुने खनेको छोरा हुँ म
नाम हो मेरो सोम ,
मैले भने मानेन भने
काट्छु खोम खोम !
तरबार मेरो साथी हो,
पल्सर बाईक जिग्री ,
बाउले पेशा पेलेर भए नि
पास गरेछु डिग्री !!
गल्ली गल्ली लुट्दै हिंड्छु
गर्दै हिड्छु हल्ला ,
बिहानै देखी खान्छु,तान्छु
हुदै हिड्छु झल्ला !
कति गरें बलात्कार त
कति बेचें चेली
कति जना त अपंगै छन्
मेरो बाइकले पेली।
मंत्री सबै बाउको साथी
पुलीस मेरो मित्र
दुइदिन मै बाहिर हुन्छु
पर्यो भने जेल भित्र .......
बोके धेरै हतियार नि
मन्दिरको मुर्ति नि चोरें
कहिले खर्च नहुदा
धेरै घर नि फोरें।
नेताहरु नि स्याबास दिन्छन
देखेर मेरो काम,
सबैले गर्छन हाइ हाइ
कमाको देखेर मैले नाम ............
हुने खनेको छोरा हु म
नाम हो मेरो सोम ,
मैले भने मानेन भने
काट्छु खोम खोम !
राजेश रुम्बा लामा

कति पुज्छौ जुन सानी

1. 
   गजल
   
   कति पुज्छौ जुन सानी, अरुहरूले टेकिसके,
   घरधन्दामा तिमी भुल्दा, सबले संसार छेकिसके,
   
   खेलौना झैँ सोची आफै, रमाउछौ घर-संसारमा
   कोहीले चुमे सगरमाथा, कोहीले तक्मा ठोकिसके,
   
   उठ्नु पर्छ सानी अब हिम्मत लिइ शिखर चुम्ने
   कुच्चोसंग तिमी खेल्दा, धेरैले कुची बोकिसके,
   
   मेरी दिलकी रानी अनि, मेरी जून तिमी भन्दै
   अघि बढ्ने बाटो तिम्रो, स्वार्थीहरूले रोकिसके,
   
   बुझ्नु पर्छ अब तिमीले असल खराब के हो भनि
   ढोल बाजा, पशु, नारी, एक भनी, आफ्नैले तोकिसक ेll